Select Page

Ta banti Amigos de San Cristóbal laj jachtik jun at’elil ja sbi’il “Kolteyel jbatik ta komon sok jlumaltik” (Filantropía Comunitaria) te at’el bi jajch’ ta 2020. Te banti baya sk’opal ja’ te ya ts’ob sbaik ta komone. Te ants sok te winiketik te mach’a ts’obsbaike ya yak’ik sjochibal sk’a’alik, yat’elik, te binut’il ay yu’unik, sok te snopibal yot’anik. Jich ts’e to, ta spisilik ya stak’ skoltayik te mach’atik ayik ta wokolik ba tanti jlumaltik ta los Altos de Chiapas sok te mach’atik x-atejik sok te Amigos de San Cristóbal.

Te at’elik to ja snit sok yil te Silvia Sántiz, Silvia Cocoa sok te Andrea Tacconi, ja’ik te mach’a swentaine te tsobajile’, ja yilikbe te bin ut’il xmeinbe te at’elile. Ach’tonax och at’el te Yoli Hernández ta Amigos de San Cristóbal, ja swetain te tsotsiletik  te mach’atik sk’anik ts’obsbaike. Te mach’atik ayik ta ts’obajel sok te mach’a sni’tik te at’elil to, bayalix te yat’el te bek yakik spasele.

Te tseltaletik te mach’a yakalik sts’obsbaike la yabeysbaik sbi’ilik “Sejkubal kuxlejal” ta kaxlan k’op ja “El arcoíris de la vida”, ja la yu’un te lek t’ujbil te sejk’ubale sok te yak’ik ilel te bayal kuxinel ta jlumaltik. Te mach’a ochemik ts’obajele jich bin ut’il jlumaltik Chiapas sok ta muk’ jlumtik México, yakalik spasel te yat’elikuke, yakalik snabeisbaik ta spisilik,  ya  sleik  te bin ut’il pajalik te snopibal yu’unike, bin ut’il bayal sk’obal yu’unike, jich lek ya spasik te at’elik sok lek pajal yak’ik te sk’opike. Te ts’obajel yu’un “Neighbors for Integral Change”, ta kaxlan k’op “Vecinxs para el cambio integral”, ja te ants sok winiketik nakalik kuxinel  ta jovel sok  jajch’emikte ta yan lumetik ta spisil balumilal. Jaikbik, la spasikix te bin ut’il bayal sk’oplal te sts’osbajelike, la spasikix te bin ut’il yilik sk’an pasek te lek koltayele,  sok ta ora to yakalik spasel te xchapibal yat’elik ta oxe u’  jich yu’un lek stak’ x-at’ejikbe ta komon.

Ta xjach’ibal marzo la jpastik jun at’elil ta jtelematik sok te organización Tierra Roja Cuxtitali, Centro Comunitario A.C. ja jun at’elik te skoltay te Amigose te jawilto. La yak’ik ilel te bin ut’il x-at’ejik ta banti “Escuelita Comunitaria”,  lok’il k’oel te mach’atik swentaikne te programae te mach’a skoltay te tsotsileltike, sok te mach’a tik ayik tsobaljel ta jujun koltayele, jich la jkiltik te bin  ut’il yas tak’ tsobatik sok  yaj stak’ nitikbe lek at’elile.

Te mach’atik ayikik ta ts’obajel ta banti “Kolteyel jbatik ta komon sok jlumaltik” (Filantropía Comunitaria), yakotik snopel lek te bin ut’il ya stak’ pastik lek te jkat’eltik yu’un lek ya jkoltey jbatik ta jpisiltik. Binax kot’anik te yakalotik be’el ta jpisiltik jich yu’un lek ya st’ak pastik te at’elil ta banti jlumaltik ta los Altos de Chiapas. 

EnglishSpanish